Prezidentning tegishli farmoniga muvofiq, 11-iyul (dushanba) barcha xodimlar uchun (ish haftasi turidan qatʼi nazar) qoʻshimcha ishlanmaydigan kun sifatida belgilangan.

Bundan tashqari, besh kunlik ish haftasiga ega boʻlgan xodimlarning dam olish kuni 16-iyul, shanba kunidan 12-iyul, seshanba kuniga koʻchirildi.

Olti kunlik ish haftasiga ega boʻlgan xodimlar uchun 12-iyul, seshanba kuni ham qoʻshimcha ishlanmaydigan kun sifatida belgilangan.

Tasdiqlanmagan maʼlumotlarga koʻra, Qurbon hayiti 2022-yil 9-iyulga toʻgʻri keladi.

Shu tariqa, Oʻzbekiston aholisi Qurbon hayitida quyidagi kunlarda dam oladi:

• 9-iyul — shanba (dam olish kuni – hali rasman tasdiqlanmagan);
• 10-iyul — yakshanba (taqvim boʻyicha dam olish kuni);
• 11-iyul — dushanba (qoʻshimcha ishlanmaydigan kun);
• 12-iyul — seshanba (qoʻshimcha ishlanmaydigan kun/koʻchirilgan dam olish kuni).