“Uzbekistan Airways” aviakompaniyasi Qurbon hayiti bayrami munosabati bilan joriy yil 9-iyuldan 12-iyulgacha amalga oshiriladigan barcha mahalliy aviaqatnovlarning barcha turdagi tariflarga 50 foiz chegirma eʼlon qiladi.

Rasman tasdiqlanmagan hisob-kitoblarga koʻra, Qurbon hayitining birinchi kuni Oʻzbekistonda 9-iyul kuni nishonlanadi.

Oʻzbekiston Prezidentining “2022-yilda rasmiy sanalarni nishonlash davrida qoʻshimcha ishlanmaydigan kunlarni belgilash va dam olish kunlarini koʻchirish toʻgʻrisida”gi farmoniga muvofiq oʻzbekistonliklar Qurbon hayiti bayramida quyidagi kunlarda dam oladi.

9-iyul – shanba, Qurbon hayitining birinchi kuni (hali rasman tasdiqlanmagan)
10-iyul – yakshanba, taqvim boʻyicha dam olish kuni
11-iyul – dushanba, barcha uchun qoʻshimcha dam olish kuni
12-iyul – seshanba, koʻchirilgan/qoʻshimcha dam olish kuni.