Toshkent shahar Yangihayot tumanida joylashgan «Yangi Choshtepa» mahallasida hech qanday burchakka ega bo‘lmagan bolalar bog‘chasi quriladi. Bu haqda Maktabgacha ta’lim vazirligi axborot xizmati xabar berdi.

Ma’lum qilinishicha, 480 o‘ringa mo‘ljallangan, noodatiy ko‘rinishga ega bo‘lgan bino tez fursatda «Yangi Choshtepa» mahalla fuqarolar yig‘inida barpo etiladi.

Shuningdek, xonalarda bolalarning bir mashg‘ulotdan boshqasiga o‘tish uchun bino bo‘ylab harakatlanishiga imkon yaratiladi. Yorug‘likning to‘g‘ri taqsimlanishiga, xonalar interyerining bir-birini takrorlamasligiga va chet tillarini o‘rgatishga e’tibor qaratiladi.