“Genetik” romanining yozilishiga sababchi boʻlgan taniqli olim xalqaro mukofotga loyiq deb topildi, deya xabar bermoqda Innovatsion rivojlanish vazirining til masalalari boʻyicha maslahatchisi, yozuvchi Isajon Sulton.

Unga koʻra, “Anhui Zhifei Longcom Biopharmaceutical” kompaniyasi bilan hamkorlikda COVID-19 koronavirusiga qarshi vaksina yaratilishidagi va Oʻzbek-Xitoy munosabatlarining ilmiy-innovatsion hamkorligi rivojidagi salmoqli hissasi uchun TWAS (The World Academy of Sciences – Dunyo Fanlar akademiyasi) aʼzosi, biologiya fanlari doktori, akademik Ibrohim Abdurahmonov “Buyuk Ipak yoʻli Doʻstlik elchisi” xalqaro ilmiy mukofoti bilan taqdirlangan.