29-aprel kuni Tashqi ishlar vaziri v.b. Vladimir Norov Saudiya Arabistoni Podshohligining Oʻzbekistondagi elchisi Yusuf al-Utaybiy bilan oliy va yuqori darajadagi boʻlajak uchrashuvlarni muhokama qilgan.

Shuningdek, uchrashuvda turli sohalardagi ikki tomonlama hamkorlikning dolzarb jihatlari, ilgari erishilgan kelishuvlar ijrosi, Oʻzbekiston va Saudiya Arabistonining BMT, IHT va boshqa xalqaro tuzilmalar doirasidagi oʻzaro hamkorligi masalalari ham koʻrib chiqilgan.

“Hamkorlikning shartnomaviy-huquqiy bazasini kengaytirish, savdo-iqtisodiy aloqalar, madaniy-gumanitar va sayyohlik sohasidagi almashinuvlarni faollashtirish boʻyicha chora-tadbirlar koʻrish muhimligi taʼkidlandi”, deyiladi TIV xabarida.