Bekobodga borgan viloyat hokimi vazifasini bajaruvchi Zoyir Mirzayev yeng shimarib hasharga kirishib ketdi, deya xabar bermoqda hokimlik Axborot xizmati. 

Axborot xizmati tomonidan eʼlon qilingan rasmda hokimning devor suvayotgani aks etgan. 

Qayd etilishicha, “Yoshlik 2” mahallasida 324 ta xonadon boʻlib, 3288 fuqarolar istiqomat qilib keladi. Mahalla ahlining asosiy muammosi ichki yoʻllarning taʼmir talabligi hamda ichimlik va oqova suvining tanqisligidir.

Hozirgi kunda ichimlik suvi tarmoqlari uchun quvurlar toʻliq yotqizilib, hozirda quduq qazish ishlari olib borilmoqda.

Mahallaga olib kiruvchi 4 km asfalt yoʻl hamda 1740 metr ichki yoʻllar joriy taʼmirlanmoqda.