29-aprel kuni Hukumatning tegishli qarori bilan Oʻzbekiston Respublikasi Vazirlar Mahkamasi apparatining tarkibiy boʻlinmalari rahbarlari lavozimlarga tayinlandi.

Unga koʻra, Sarvar Gʻaniyevich Ashurov Vazirlar Mahkamasining Yoshlarni qoʻllab-quvvatlash va jamoat tashkilotlari masalalari kotibiyati mudiri etib tayinlandi. Shu munosabat bilan u Vazirlar Mahkamasi Yoshlar, jamoat tashkilotlari, mahalla va oilani qoʻllab-quvvatlash masalalari kotibiyati mudiri lavozimidan ozod etildi.

Shuningdek, Nodir Muxtorovich Dusmatov Oʻzbekiston Respublikasi Vazirlar Mahkamasining Oila va xotin-qizlar masalalari kotibiyati mudiri etib tayinlandi. Shu munosabat bilan u Vazirlar Mahkamasi Mahalla va nuroniylarni qoʻllab-quvvatlash masalalari boʻlimi mudiri lavozimidan ozod qilindi.