Prezident raisligida o'tkazilayotgan yigʻilishda oilaviy bolalar uylarini qoʻllab-quvvatlash masalasi koʻrib chiqildi.

Ularga byudjetdan mablagʻ ajratish tartibi soddalashtirilishi taʼkidlandi. Yaʼni, kundalik xarajatlarni qoplash uchun mablagʻ ota-onalarning shaxsiy plastik kartasiga oʻtkaziladi.

Shuningdek, oilaviy bolalar uylarining kommunal toʻlovlari aholi uchun belgilangan tariflarda olinadi.

Bundan tashqari, yetim va ota-ona qaramogʻidan mahrum boʻlgan talabalarga oziq-ovqat va kiyim-kechak xaridi uchun 10 million soʻmdan ajratish amaliyoti nodavlat oliygohlarda ham joriy etiladi.

Umuman, 376 ta mehribonlik, saxovat va muruvvat uylari, maxsus maktab-internatlarni taʼmirlash va jihozlash boʻyicha 600 milliard soʻmlik alohida dastur qabul qilinadi.