9-may arafasida urush qatnashchilari, konslagerlar mahbuslari va Leningrad qamalida boʻlgan fuqarolarga 15 million soʻmdan beriladi. Bu haqida Prezident yigʻilishda aytib oʻtdi.

Shuningdek, mutasaddilarga:

- yolgʻiz yashayotgan va oʻzgalar parvarishiga muhtoj odamlardan shaxsan xabar olib, ularga sovgʻa-salomlarni yetkazish;

- urush qatnashchilari, konslagerlar mahbuslari va Leningrad qamalida boʻlgan fuqarolarning har birining xonadoniga shaxsan borib, pul mukofoti va qimmatbaho sovgʻalarni tantanali ravishda topshirish;

- 10 ming nafar front ortida mehnat qilgan faxriylar bilan shaxsan uchrashib, holidan xabar olish va sovgʻa-salomlar yetkazish topshirildi.