Oʻzbekistonda 17–24-mart kunlari kutilayotgan vaqti-vaqti bilan kuchli yogʻingarchilik hamda havo haroratining sezilarli oʻzgarishlari sababli bir qator hududlarda qor koʻchish xavfi eʼlon qilindi. Bu haqida “Oʻzgidromet” xabar qildi.

Qayd etilishicha, respublikaning togʻli hududlari, jumladan:

• Qashqadaryo viloyati: Kitob, Shahrisabz, Qamashi, Dehqonobod tumanlarida;
• Surxondaryo viloyati: Qumqoʻrgʻon, Sariosiyo, Uzun, Boysun tumanlarida;
• Samarqand viloyati: Qoʻshrabot, Nurobod, Samarqand, Urgut, Bulungʻur tumanlarida;
• Jizzax viloyati: Zomin, Baxmal tumanlarida;
• Toshkent viloyati: Parkent, Ohangaron, Boʻstonliq tumani va Chotqol tizmasining Chimyon togʻlarida;
• Namangan viloyati: Pop tumani va Qamchiq dovoni hududida;
• Fargʻona viloyati: Soʻx, Fargʻona tumanlarida qor koʻchish xavfi eʼlon qilindi.

Togʻli hududlarda istiqomat qiluvchi fuqarolar, dam oluvchilar hamda mazkur yoʻnalishda harakatlanuvchi haydovchilardan ehtiyot choralarini koʻrishlari soʻraladi.