Ijtimoiy tarmoqlarda «Qoraqalpogʻiston YHXB boshligʻi YPX xodimlarini haqoratlab, kuch ishlatgani aks etgan video tarqalgan edi. Qoraqalpogʻiston Respublikasi Ichki ishlar vazirligi axborot xizmati ushbu holat yuzasidan munosabat bildirdi.

Maʼlum qilinishicha, videoda aks etgan holat, 2021-yilning 14-fevral kuni sodir boʻlgan. Mazkur holat yuzasidan vazirlikning yoʻl harakati xavfsizligi boshqarmasi boshligʻi vazifasini bajaruvchisi kapitan B.Xojanovga nisbatan tegishli tartibda xizmat tekshiruvi tayinlangan.

Vazirlikning tegishli sohaviy xizmatlari tomonidan oʻtkazilgan xizmat tekshiruvi yakuni boʻyicha, kapitan B.Xojanov koʻl ostidagi xodimlarga qoʻpol munosabatda boʻlgani hamda xizmatda kamchiliklarga yoʻl qoʻygani uchun “lavozim maoshining 30% miqdorida ushlab qolish” qattiq intizomiy jazo chorasi qoʻllanilgan.