“Navroʻz bayramini nishonlash toʻgʻrisida”gi Oʻzbekiston Respublikasi Prezidentining Qaroriga asosan 5 kunlik dam olish kuni belgilangan.

Shu munosabat bilan viloyat turizm va madaniy meros bosh boshqarmasi tashabbusi bilan viloyatdagi mehmonxonalar, mehmon uylari, turistik transport xizmatlari, umumiy ovqatlanish shoxobchalari tomonidan ham bayram kunlari chegirmalar eʼlon qilinmoqda.

Xususan, bayram doirasida yashash joylari uchun 20 foizgacha, umumiy ovqatlanish shoxobchalarida 22 foizgacha, turistik firmalarda 35 foizgacha chegirmalar beriladi.

Bundan tashqari, 18-mart kuni Samarqand shahrida “Kabob festivali”, 19-mart kuni Jomboy tumanida uloq-koʻpkari musobaqasi oʻtkaziladi. Navroʻz bayrami tantanalari ham Samarqand shahridagi Alisher Navoiy nomli markaziy istirohat bogʻida umumxalq sayli sifatida nishonlanishi koʻzda tutilgan. Bayram tadbirlarida mahalliy va xorijlik turistlar ishtirok etishi uchun barcha imkoniyatlar yaratilgan.