Prezident Shavkat Mirziyoyev imzolagan “Oila va xotin-qizlarni tizimli qoʻllab-quvvatlashga doir ishlarni yanada jadallashtirish chora-tadbirlari toʻgʻrisida”gi farmoniga muvofiq, aliment toʻlovchining boshqa qarzdorligi boʻlganda, qarzdordan undirilgan mablagʻlar aliment toʻlovlari boʻyicha qarzdorlik toʻliq qoplangandan soʻng boshqa qarzlariga oʻtkaziladi.

Aliment toʻlashdan boʻyin tovlayotgan va qidiruvga eʼlon qilingan shaxslar toʻgʻrisidagi maʼlumotlar MIBning rasmiy veb-saytlarida joylashtiriladi va davlat OAVlarida tarqatiladi.

Shuningdek, farmonga koʻra, oilaviy qadriyatlarni saqlash va rivojlantirishga munosib hissa qoʻshgan oilalar uchun “Ibratli oila” koʻkrak nishoni taʼsis etildi hamda u 15-may – Xalqaro oilalar kunida topshirilishi belgilangan.