Ijtimoiy tarmoqlarda Alisher Navoiy nomidagi Toshkent davlat oʻzbek tili va adabiyoti universitetida talaba yigitning bayram kuni auditoriyada oshkora sevgi izhor qilib, kaltak yegani aks etgan videolar tarqaldi. Holat yuzasidan universitet axborot xizmati rasmiy munosabat bildirdi.

Maʼlum qilinishicha, ushbu video universitet Amaliy filologiya fakulteti QVZ jamoasining “Xafa boʻlish yoʻq” koʻrsatuviga taqlidan namoyish etilgan sahna koʻrinishidan kesib olingan.

“Fakultetda hech qanday noxush vaziyat yuz bermaganini maʼlum qilamiz”, deyiladi xabarda.