Bugun, soat 11:45 da Qashqadaryo viloyati Dehqonobod tumani “Otkamar” MFYda noqulay ob-havo sharoiti natijasida 3 nafar fuqaroni yashin urgan. Bu haqida FVV maʼlum qildi.

Qayd etilishicha, voqea oqibatida bir nafar fuqaro vafot etgan, ikki nafar fuqaroning biriga tibbiy yordam koʻrsatilib, ambulator davolanishga ruxsat berilgan. Ikkinchi fuqaroga tuman tibbiyot birlashmasida malakali tibbiy yordam koʻrsatilmoqda.

Fuqarolardan noqulay ob-havo sharoitida xavfsizlik choralariga amal qilish soʻraladi.