Oʻzbekiston Tashqi mehnat migratsiyasi agentligi xorijda mehnat faoliyatini amalga oshirayotgan fuqarolarga ogohlantirish bilan chiqdi.

Agentlik xorijda mehnat faoliyatini amalga oshirish davrida hech qanday ziddiyatli vaziyatlarni keltirib chiqarmaslik, qurolli toʻqnashuvlar va harbiy harakatlarda ishtirok etmaslik, provokatsiya va aldovlarga uchmaslik, oson pul topish ilinjida miting va namoyishlarda ishtirok etmaslikka chaqiradi.

Shuningdek, Tashqi mehnat migratsiyasi agentligi quyidagi umuminsoniy normalarga rioya etishni soʻraydi:

Boshqa davlatlar ichki ishlariga aralashmaslik;

Har xil chaqiriqlar va oqimlarning aldovlariga ishonmaslik;

Hech qanday ziddiyatli va qurolli vaziyatlarga aralashmaslik;

Oʻqotar qurollarni qoʻlga olmaslik va ulardan foydalanmaslik;

Vaziyatni chigallashtiruvchi hech qanday shiorlarni targʻib qilmaslik;

Nizolashayotgan taraflarning bayrogʻi, madhiyasi, ramzlari va shiorlarini ishlatmaslik;

Neytral pozitsiyada boʻlish tavsiya qilinadi.