Prezident yigʻilishda 2022-yil 1-sentyabrdan xususiy sektorda rasmiy ishlayotgan ayollarga homiladorlik nafaqasini davlat tomonidan kafolatli toʻlab beradigan tizim yaratilishini maʼlum qildi.

“Ochiq aytish kerak, ayni paytda byudjet tashkilotlari homiladorlik nafaqasini toʻliq toʻlab bersada, xususiy sektorda bu xarajat tufayli ayollarni rasmiy ishga olishdan qochish holatlari ham, afsuski bor”, dedi Prezident.

Endi, ularga ham 4 oyga 2 million soʻm miqdorida bir martalik homiladorlik nafaqasi toʻlab beriladi. Bu maqsadlar uchun, byudjetdan 2022-yilda 200 milliard soʻm, 2023-yilda esa 1,7 trillion soʻm yoʻnaltiriladi.