Bugungi kunda Pensiya jamgʻarmasi tomonidan har oyda 4 mln. nafardan ortiq pensiya va nafaqa oluvchilar hamda 1,5 mln. nafardan ortiq kam taʼminlangan oilalarga yoki 6,4 mln nafar fuqaroga bolalar nafaqasi va moddiy yordam taʼminoti amalga oshirilmoqda. Bu haqida Pensiya jamgʻarmasi mutasaddilari ishtirokida oʻtkazilgan matbuot anjumanida maʼlum qilindi.

Qayd etilishicha, 2022-yil 1-martdan boshlab ishlamaydigan va pensiya olmaydigan Afgʻonistondagi urushda oʻz baynalmilal burchlarini bajarganlarga uy-joy kommunal toʻlovlari uchun kompensatsiya toʻlovini joriy etiladi.

Shuningdek, 100 yoshga toʻlgan va undan oshgan ijtimoiy nafaqa oluvchi shaxslar uchun har oyda – pensiyani hisoblashning bazaviy miqdorining 100 foizi miqdorida qoʻshimcha toʻlov toʻlanadi.