“Oʻzgidromet” xizmati hafta davomida kuzatiladigan ob-havo maʼlumotini eʼlon qildi.

Maʼlum qilinishicha, 1-mart kuni respublika hududining katta qismida yomgʻir yogʻadi. 2-mart kuni faqat Toshkent viloyati va Fargʻona vodiysi viloyatlarida yomgʻir yogʻishi mumkin. Ushbu kunda kunduzi havo harorati bulutli boʻladi va 12–17 daraja iliqdan yuqori boʻlmaydi.

Haftaning ikkinchi yarmidan Oʻzbekiston hududiga Erondan iliq havo kirib kelishi kutilmoqda. Buning natijasida yogʻingarchiliksiz iliq ob-havo boʻladi. Havo harorati kunduz kunlari 18–23 daraja, janubda va choʻl hududlarida 25–27 darajagacha koʻtariladi.

Juda iliq havoning shiddatli kirib kelishi 4-mart kuni shamolning 15–20 metr/sekundgacha kuchayishiga sabab boʻlishi mumkin. 28-fevralda respublikaning togʻli hududlarida qor koʻchishi xavfi bor.