Markaziy bank departament direktori Akmal Nazarov isteʼmolchilar huquqlarini himoya qilish borasidagi ishlar haqida maʼlumot berdi.

Qayd etilishicha, xizmat koʻrsatishda isteʼmolchilarining huquqlari buzilishiga yoʻl qoʻygan 16 ta tijorat banki va 8 ta mikrokredit tashkilotidan jami 1 177 mln soʻm miqdorida jarimalar undirilgan.

Undirilgan jarimalarning 829 mln soʻmi yoki 70 foizi qoidabuzarliklar yoʻl qoʻyilishiga sababchi boʻlgan banklarning 466 nafar masʼul xodimlari hisobidan qoplangan.

Shu bilan birga, tijorat banklari tomonidan qoidabuzarliklarga yoʻl qoʻygan 269 nafar xodimlariga nisbatan intizomiy jazo choralari qoʻllanilgan.