1-fevral holatiga koʻra, mamlakat oltin-valyuta zaxiralari 34,4 mlrd dollarni tashkil etgan. Bu haqida Markaziy bank xabar qildi.

2022-yil 1-fevral holatiga koʻra, Oʻzbekistonning oltin-valyuta zaxiralari 34,4 milliard dollarni tashkil etib, yanvar oyiga nisbatan 713,9 million dollarga kamaydi.

Zaxiralar, asosan, 20,7 milliard dollarga teng oltin va 12,5 milliard dollarga teng xorijiy valyutalardan iborat. Bundan tashqari, yana 1,1 milliard dollar xalqaro zaxira aktivi mavjud.

Maʼlum boʻlishicha, oltin-valyuta zaxiralarining kamayishiga koʻp jihatdan zaxiraning valyuta qismining kamayishi sabab boʻlgan. 1 oyda zaxira valyutasining hajmi 532,6 million dollarga kamayib, 12,54 milliard dollarni tashkil qilgan.