“2022-yilda rasmiy sanalarni nishonlash davrida qoʻshimcha ishlanmaydigan kunlarni belgilash va dam olish kunlarini koʻchirish toʻgʻrisida”gi Prezident farmoni bilan 2022-yil 22 va 23-mart kunlari barcha xodimlar uchun (ish haftasining turidan qatʼi nazar) qoʻshimcha dam olish kunlari etib belgilangan.

Shunga koʻra, 5 kunlik ish haftasida ishlaydigan xodimlar Navroʻz bayrami munosabati bilan ketma-ket 5 kun dam oladi.

Xususan:

19-mart (shanba) - dam olish kuni;

20-mart (yakshanba) - dam olish kuni;

21-mart (dushanba) – Navroʻz bayrami;

22-mart (seshanba) – qoʻshimcha ishlanmaydigan kun.

23-mart (chorshanba) – qoʻshimcha ishlanmaydigan kun.

6 kunlik ish haftasida ishlaydigan xodimlar esa ketma-ket 4 kun (20–23-mart kunlari) dam oladi.