Samarqand shahar hokimligida oʻtkazilgan xalq deputatlari Samarqand shahar Kengashining navbatdan tashqari sessiyasida tashkiliy masala koʻrildi.

Samarqand shahar hokimi vazifasida faoliyat olib borgan Oblakulov Boburmirzo Salomovich boshqa ishga oʻtishi munosabati bilan, oʻz arizasiga asosan egallab turgan vazifasidan ozod etildi.

Sessiyada deputatlar tomonidan Umarov Fazliddin Karimovich nomzodi Samarqand shahar hokimi lavozimiga tasdiqlandi.

Mazkur tayinlovga qadar F.Umarov Oʻzbekiston Respublikasi Davlat soliq qoʻmitasi raisining birinchi oʻrinbosari – Oʻzbekiston Respublikasi Davlat soliq qoʻmitasi huzuridagi Kadastr agentligi direktori lavozimida faoliyat olib borgan.