Prezident Shavkat Mirziyoyev huzurida mashinasozlik sanoatida amalga oshirilayotgan ishlar va 2022-yildagi ustuvor vazifalar muhokamasiga bagʻishlangan yigʻilish boʻlib oʻtmoqda.

Soʻnggi toʻrt yilda tarmoqni transformatsiya qilish boshlanib, «Oʻzavtosanoat»ga xorijiy mutaxassislar olib kelingani taʼkidlandi.

Xorijiy kompaniyalar ishtirokida yangi korxonalar tashkil etish va aksiz soligʻini bekor qilish orqali sohada raqobat muhiti yaratildi.

Natijada oʻtgan toʻrt yilda avtomobil ishlab chiqarish hajmi 1,8 barobarga, tarmoq eksporti esa 2,7 barobarga oshdi. Shuningdek, 2,6 ming turdagi butlovchi qismlarni ishlab chiqarish oʻzlashtirildi.

“UzAuto Motors” “Fitch Ratings” va “Standart and Poorʼs” xalqaro agentliklaridan “barqaror” kredit reytinglarini olib, xalqaro moliya bozorida 300 million dollarlik yevrobond joylashtirdi.