Ayni paytda Samarqand xalqaro aeroportining yangi terminalida Prezident Shavkat Mirziyoyev ishtirokida viloyat faollari yigʻilishi boʻlib oʻtmoqda.

Oʻta tanqidiy ruhda oʻtayotgan yigʻilishda davlatimiz rahbari viloyatdagi sektorlar va tegishli mutasaddilar juda sust ishlayotganini koʻrsatib oʻtdi.

Faoliyatida jiddiy xato va kamchiliklarga yoʻl qoʻygani uchun:

- Samarqand tumani hokimi N.Mavlonov;

- Nurobod tumani hokimi F.Zairov;

- Markaziy bankning viloyat boshqarmasi rahbari O.Toʻxtayev,

- Oqdaryo tumani prokurori D.Kubayev;

- Samarqand shahri, Samarqand va Oqdaryo tumanlari ichki ishlar boʻlimlari boshliqlari J.Qodirov, F.Gafarov va D.Ibragimov;

- Urgut va Payariq tumanlari davlat soliq inspeksiyalari boshliqlari A.Almazov va M.Ergashev;

- viloyat elektr tarmoqlari korxonasi rahbari Gʻ.Mamatqulov ishdan olindi.

Ularning baʼzilariga nisbatan toʻplangan, shu jumladan korrupsiya holatlari toʻgʻrisidagi maʼlumotlar asosida jinoiy ish ochish masalasi oʻrganib chiqiladi.