Oʻzbekiston hududiga 11-12-fevral kunlari Turkmanistondan iliq havo, soʻngra shimoliy Kavkaz hududlaridan nam va salqin havo massasi kirib kelishi kutilmoqda. Bu haqida “Oʻzgidromet” xabar berdi.

Qayd etilishicha, shu kunlarda Qoraqalpogʻistonda, Xorazm, Buxoro, Navoiy, Toshkent, Samarqand, Sirdaryo, Jizzax, Qashqadaryo, Surxondaryo viloyatlarida baʼzi joylarda shamol 17-22 metr/sekundgacha kuchayishi kutilmoqda, ayrim joylarda chang toʻzon kuzatiladi.

11-fevralda Qoraqalpogʻiston Respublikasi, Xorazm viloyatlarida, 12-fevralda esa respublikaning qolgan hududlarida, togʻ oldi va togʻli hududlarning baʼzi joylarida yogʻingarchilik (yomgʻir, baʼzi joylarda qorga aylanishi mumkin), kuchli boʻlishi mumkin.