Ijtimoiy tarmoqlarda Nurobod tumani Sepki qishlogʻidagi yoʻlga oʻta sifatsiz va yupqa asfalt yotqizilgani haqida videomurojaat tarqaldi. Nurobod tumani hokimligi holat boʻyicha munosabat bildirdi.

Qayd etilishicha, oʻrganish davomida haqiqatan ham hududdagi 470 metr ichki yoʻl sifatsiz qurilgani maʼlum boʻlgan. Asfalt yotqizish ishlari qurilish meʼyorlariga toʻliq amal qilmagan holda bajarilgan.

Taʼkidlanishicha, asfalt yotqizish ishlari sovuq haroratda, kechasi bajarilgani uchun yoʻl yaroqsiz boʻlib qolgan. Hokimlik yoʻl qaytadan asfaltlanishini maʼlum qilgan.