Boyovut tumani hokimi Dilfuza Uralova Xalq deputatlari tuman kengashining 34-sessiyasida oʻzining kengash raisi maqomini deputatlarga topshirdi. Bu haqida tuman hokimining matbuot kotibi xabar berdi.

“Yana bir yangilikni aytmoqchiman. Bundan buyon kengash rahbari hokim boʻlmaydi. Tajriba tariqasida Boyovut tumanida mahalliy kengash raisi deputatlar orasida saylanadi. Bir umrlik orzum shu, endi birinchi sektor rahbari sifatida kengash majlisida sektorlar qatorida pastda oʻtirib, neytral hisobot topshiraman, yaʼni oʻzim kengash raisi vazifasini amalga oshirmayman”, deydi u.

Eslatib oʻtamiz, Oʻzbekistonda hokimlarning xalq deputatlari kengashi raisi sifatidagi maqomini bekor qilish boʻyicha qonun loyihasi tayyorlanayotgani toʻgʻrisida 2019-yilda xabar berilgandi.