Qarshi tumaniga yangi hokim tayinlandi. Bu haqida Qashqadaryo viloyati hokimligi axborot xizmati xabar bermoqda.

Qayd etilishicha, Xalq deputatlari Qarshi tumani Kengashining navbatdan tashqari sessiyasida deputatlar Yusupov Bexzodjon Farxodovichni Qarshi tumani hokimi lavozimiga tasdiqlagan.

B.Yusupov 1980-yilda Yakkabogʻ tumanida tugʻilgan. Toshkent davlat yuridik instituti, Toshkent davlat yuridik instituti magistraturasi va Oʻzbekiston Respublikasi Prezidenti huzuridagi Davlat va jamiyat qurilish akademiyasini tamomlagan.

Shu vaqtga qadar u Respublika Pillachilik va qorakoʻlchilikni rivojlantirish qoʻmitasi raisining birinchi oʻrinbosari lavozimida ishlab kelayotgan edi.