Ayni vaqtda Adliya vaziri Ruslanbek Davletov jamoatchilikka anʼanaviy yillik hisobot bermoqda. Hisobotda vazir rahbar va ijrochilarning nisbati, xalqaro standart va Oʻzbekistondagi holat boʻyicha gapirdi.

«Boshliqlar va ijrochilarning bir-biriga nisbati bor. Bu ham ilmiy asoslangan. Garvardning ishlab chiqqan standartlari bor: birga yetti boʻlishi kerak. Yaʼni bitta rahbarga yettita xodim boʻlishi kerak, undan ortigʻini boshqara olmaydi, chunki imkoniyati yetmaydi, bu koʻrsatkich optimal belgilangan. 

 

Bizda bilasizlarmi qanday? Bizga bittaga uchta ham toʻgʻri kelmayapti. Bitta ijrochi (xodim – tahr.)ga ikkita rahbar toʻgʻri kelyapti. Ijrochilar kam, rahbarlar koʻp», deydi Ruslanbek Davletov.