Toshkent viloyati Bo‘stonliq tumani Bildirsoy dam olish maskani yaqinida o‘lik piton topildi. Bu haqda ekologuz telegram kanali xabar bermoqda. 

Odatda, O‘zbekiston hududida pitonlarni xususiy hayvonot bog‘lari, ko‘chma sirklarda va hayvonot bog‘ida uchratish mumkin. Hozircha ilonning bu yerga qanday kelib qolgani, nima sababdan o‘lgani ma’lum emas.

“Biz mazkur holat yuzasidan Toshkent viloyat Ekologiya va atrof-muhitni muhofaza qilish boshqarmasidan rasmiy munosabat bildirishlarini so‘raymiz”, deyiladi xabarda.