Namangan viloyati Kosonsoy tumanidagi 47-sonli umumta’lim maktabining ijodiy-madaniy masalalar bo‘yicha targ‘ibotchisi Ummatali Dadaboyev ayni paytda onlayn ta’lim olayotgan o‘quvchilarni kitobga qiziqtirish uchun xayrli tashabbus boshladi.

U o‘zining “Matiz” rusumli avto ulovida ko‘chma kutubxona tashkil etib, mahalla bo‘ylab bolajonlarga kitoblar ulashmoqda. O‘quvchilar tomonidan o‘qib bo‘lingan kitoblar targ‘ibotchi ishtirokida muhokama qilingach, boshqasiga almashtirib beriladi.

– Maqsadimiz shuki, kitoblar har bir o‘quvchiga yetib borsin, ularning qalbiga ziyo kirsin, vaqtlari unumli o‘tsin, shundagina ko‘zlangan marralarga erishamiz, – deydi Ummatali Dadaboyev.