“Afv” filmining maxsus namoyishi boʻlib oʻtdi

Saqlash
11:01 / 29.01.2022 764 0

Kinochilar uyida Oʻzbekiston kinematografiya agentligi buyurtmasiga binoan “Zilola cinema production” studiyasi tomonidan suratga olingan “Afv” badiiy filmi premyera qilindi.

 

Premyerada kinoijodkorlar, OAV vakillari, mutaxassislar ishtirok etdi.

 

Mazkur kinokartina real voqealarga asoslangan boʻlib, unda turli jinoyatlar bilan qamalgan hamda yurtboshimiz tomonidan afv etilgan shaxslarning hayoti va taqdiri haqida hikoya qilinadi.

 

Ssenariy muallifi Azamat Qorjovov, postanovkachi rejissyor Zilola Joʻrayeva, operator Ilhom Hamidov, badiiy rahbar Said Muxtorov, prodyuserlar Munojot Xoshimova va Zilola Joʻrayeva.

 

Filmda rollarni Matyoqub Matchonov, Begzod Muhammadkarimov, Seydulla Moldaxanov, Hamid Toshpoʻlatov va boshqalar ijro qilgan.

Izoh yo‘q

Izoh qoldirish