Uzbekistan Airways tashkil topganining 30 yilligi munosabati bilan aksiya eʼlon qildi. Bu haqida kompaniya axborot xizmati xabar berdi.

Taʼkidlanishicha, Uzbekistan Airwaysning barcha reyslari aviachiptalariga 30 foizlik chegirma faqat 28-yanvar kuni amal qiladi.

Aksiya qoida va shartlari:

30% chegirmali aviachiptani 2022-yilning 28-yanvar sanasi soat 00:00 dan 23:59 (mahalliy vaqt) gacha xarid qilish mumkin;

Aviachiptani www.uzairways.com rasmiy saytida, Uzbekistan Airways Sales filialida va aviakompaniyaning Oʻzbekistonda Respublikasidagi agentlaridan xarid qilish mumkin;

Aviatashuvlar muddati cheklanmagan (aviachiptani rasmiylashtirish amaldagi reyslar jadvaliga muvofiq amalga oshiriladi);

Chegirma ekonom va biznes klass tariflarining barcha turlariga amal qiladi;

Ushbu chegirmani boshqa chegirmalar bilan (bolalardan tashqari) qoʻllash taqiqlanadi;

Chegirma Code Share reyslarida va savdo bitimlari doirasida eʼlon qilingan tariflar uchun qoʻllanilmaydi;

Shuningdek, ushbu aksiya doirasida sotib olingan aviachiptalarni qaytarish va boshqa sanaga rasmiylashtirish shartlari bilan rasmiy saytda tanishish mumkin.