Kolumbiya COVID-19 virusiga qarshi Oʻzbekiston–Xitoy hamkorligida yaratilgan ZF-UZ-VAC2001 vaksinasidan favqulodda foydalanishga ruxsat berdi. Mazkur qaror Anhui Zhifei Longcom Biopharmaceutical Co Ltd tomonidan ishlab chiqilgan vaksinani Janubiy Amerikada qoʻllanilishi COVID-19 pandemiyasiga qarshi global hamkorlik imkoniyatini kengaytiradi.

Hozirgacha mazkur vaksina Oʻzbekiston, Xitoy va Indoneziyada ommaviy emlash jarayonida qoʻllanilmoqda, shuningdek buster vaksina sifatida foydalanilmoqda. Hozirda ZF-UZ-VAC2001 Xitoy va Oʻzbekistonda ishlab chiqarilmoqda. Indoneziyada ham ishlab chiqarish rejalashtirilgan boʻlib, vaksinani mahalliylashtirishga tayyorgarlik koʻrilmoqda.

Genotiplash tahlili ZF-UZ-VAC2001 vaksinasi koronavirusning Alpha variantiga qarshi 92,68 foiz va Delta variantiga qarshi 81,38 foiz samaraga egaligini namoyish etgan.