Avvalroq, 2022-yil 22, 25 va 28-yanvar kunlari Toshkent shahridan Saudiya Arabistonidagi Jidda shahriga oʻzbekistonlik ziyoratchilarni umra ibodatlarini ado etish uchun reyslar amalga oshirilishi haqida xabar berilgan edi. Oʻzbekiston musulmonlari idorasi matbuot xizmatining xabar berishicha, 22-yanvar kuni 1-reys parvozi Saudiya Arabistoniga muvaffaqiyatli amalga oshirilgan.

Oʻzbekiston musulmonlari idorasi raisi, muftiy Nuriddin domla Xoliqnazarov va Din ishlari boʻyicha qoʻmita raisining birinchi oʻrinbosari Muzaffar Komilov tomonidan “Oʻzbekiston 24” telekanaliga berilgan intervyuda umra ziyorati uchun 2022-yil 1-fevraldan Saudiya Arabistoniga har kuni bittadan reys, 10-fevraldan esa har kuni 2 ta reys va Ramazon oyi davomida har kuni 3 tadan reys amalga oshirilishi maʼlum qilindi.