7-maydan 9-maygacha poytaxtda Tashkent Flowers Fest 2026 festivali o‘tkaziladi. Bu haqda Toshkent hokimligi matbuot xizmati xabar bermoqda.

Qayd etilishicha, bayram tadbirlari Milliy kutubxona oldidagi maydonda soat 10:00 dan 22:00 gacha bo‘lib o‘tadi. Kirish barcha uchun bepul.

Festival doirasida gullar ko‘rgazmasi, badiiy jamoalar chiqishlari, san’atkorlar ishtirokidagi konsert dasturlari va boshqa interaktiv ko‘ngilochar dasturlar namoyish qilinadi.

Mazkur tadbir munosabati bilan maydonga tutash hududlardagi ko‘chalarda transport vositalari harakati 11-maygacha cheklangan.