Endi fuqarolar nomiga rasmiylashtirilgan har qanday kredit haqida darxol sms-xabarnoma olishi mumkin. Bu haqda KATM xabar berdi.

Ushbu xizmat fuqarolarga oʻz nomiga rasmiylashtirilgan har qanday kredit haqida darhol SMS xabar va “KATM” mobil ilovasida PUSH xabarnoma olish imkonini beradi.

Bu esa oʻz oʻrnida noqonuniy yoki shaxs roziligisiz rasmiylashtirilgan kreditlarni oʻz vaqtida aniqlash imkonini beradi. Shuningdek, ushbu xizmatni faollashtirishi orqali fuqarolar oʻzlarining kredit tarixi maʼlumotlarini doimiy ravishda nazorat qilib borishi mumkin.

Barcha maʼlumotlar “KATM” mobil ilovasida jamlangan.

Ushbu xizmat pulli boʻlib, narxi – 4 614,40 soʻm (QQS bilan)ni tashkil etadi va 365 kun muddatga amal qiladi.