Joriy yilning 14–21-aprel kunlari Serbiyaning Vrnyachka Banya(Vrnjačka Banja) shahrida 8–18 yoshlilar toifasida rapid va blits yo‘nalishlari bo‘yicha Jahon chempionati o‘tkazilmoqda.

Xabarga ko‘ra, hozirda rapid bahslari yakuniga yetgan bo‘lib, unda 18 yoshgacha bo‘lgan qizlar o‘rtasida Afruza Hamdamova 8,5 ochko bilan Jahon chempionligini qo‘lga kiritgan.

Shuningdek, 12 yoshgacha o‘g‘il bolalar o‘rtasida Islombek Xusanov bronza medaliga sazovor bo‘lgan.

Xusnoraxon Xusnitdinova esa blits masalalar yechish bo‘yicha Jahon chempionatida 2-o‘rinni egallagan.

Blits bahslari g‘oliblari 20-aprel kuni (bugun) aniqlanadi.