Qirgʻiziston Ichki ishlar vazirligi rahbari Ulan Niyozbekov jamoat joyida tamaki chekkani uchun jarimaga tortildi. Kaktus.media nashrining ushbu maʼlumotini Qirgʻiziston IIV tasdiqlagan.

Qayd etilishicha, shu kunlarda ijtimoiy tarmoqlarda vazir Ulan Niyozbekov jamoat joyida tamaki chekayotgani aks etgan video tarqalgan. Videoda “Qonun barcha uchun egallab turgan lavozimidan qatʼi nazar teng boʻlishi kerak!” deb yozilgan.

23-mart kuni maʼlum boʻlishicha, vazirga 3 ming somlik jarima protokoli tuzilgan. Bu oʻzbek soʻmida oʻrtacha 417 ming soʻmni tashkil etadi.