Shu yilning 18-yanvar kuni farg‘onalik Mavluda Xo‘jayeva Farg‘ona shahar tibbiyot birlashmasi tug‘ruq bo‘limida vazni 6 kilogramm 90 gramm, bo‘yi 60 santimetr bo‘lgan o‘g‘il bolani dunyoga keltirdi. Bu haqda O‘zA xabar qilmoqda.

Ma’lumotlarga ko‘ra, chaqaloq 39-haftada operasiya yordamida tug‘ilgan.  Tug‘ruq bo‘limi bosh shifokori Shoira Ismoilovaning aytishicha, bu onaning to‘rtinchi farzandi, u 33 yoshda. Bola onasining yonida.

Ma’lum bo‘lishicha, u tug‘ruq bo‘limida tug‘ilgan eng vazni katta bola. Bu yerda oxirgi marta 5 kilogramm vaznli chaqaloq tug‘ilgan.