Endi O‘zbekistondagi bank mijozlari istalgan to‘lov ilovasidan P2P o‘tkazmasini amalga oshirishda “o‘tkazma maqsadi”ni ko‘rsatishi kerak bo‘ladi. Ushbu tartib Markaziy bankning tijorat banklari va toʻlov tashkilotlariga shu boʻyicha kiritgan talablari bilan joriy etildi.

Ushbu talablar aks etgan xat ijrochilarga yetkazilgan.

Unka ko‘ra, endi barcha bank va to‘lov ilovalari orqali pul o‘tkazishda maxsus menyu paydo bo‘ladi. Bunda foydalanuvchi mablag‘ yuborishdan oldin taklif etilgan 16 ta banddan birini, jumladan, “sovg‘a”, “oilaga yordam”, “yordam puli”, “ijara to‘lovi” yoki “xayriya” kabi toifalarni tanlashi kerak bo‘ladi.