O‘zbekiston Milliy Olimpiya qo‘mitasi raisining birinchi o‘rinbosari Otabek Umarov Xalqaro avtomobil federatsiyasi (FIA) Senati tarkibiga kirdi.

Xabarga ko‘ra, mazkur tayinlov tufayli Umarov tashkilotning oliy boshqaruv organi faoliyatida ishtirok etadi.

Ta’kidlanishicha, O‘zbekiston vakilining ushbu nufuzli tuzilma tarkibiga kirishi O‘zbekistonda avtomobil sporti va mobillik sohasining rivojlanishiga xizmat qiladi.

Ma’lumot uchun, Senat FIA Bosh Assambleyasiga strategik tavsiyalar kirituvchi organ hisoblanib, tashkilot taraqqiyoti yo‘lida muhim bo‘g‘in vazifasini bajaradi.