Goalpost nashri talqiniga koʻra, Oʻzbekiston milliy terma jamoasi va Angliyaning “Manchester Siti” klubi markaziy himoyachisi Abduqodir Husanov 2025-yilning Osiyodagi eng yaxshi yosh futbolchisi deb topildi.

Goalpost ovoz berishida u Abbos Fayzullayev (“Istanbul Bashakshehir”, Oʻzbekiston), Nestori Irankunda (“Uotford”, Avstraliya), Marselino Ferdinan (“Oksford Yunayted”, Indoneziya), Li Hana Bom (“Midtulland”, Koreya), Ali Jasim (“Komo” / “Al-Najma”, Iroq) hamda Yaponiya, Koreya va Avstraliyadan boshqa yosh nomzodlar bilan bellashib, birinchilikni qoʻlga kiritdi.

Maʼlumot oʻrnida, 21 yoshli futbolchi 2025-yilning yanvar oyida “Manchester Siti” safiga qoʻshilib, Angliya Premyer-ligasida oʻynagan ilk oʻzbekistonlik futbolchiga aylandi. Iyun oyida esa u terma jamoa bilan birga Oʻzbekistonning jahon chempionatiga yoʻllanmani qoʻlga kiritishida muhim hissa qoʻshdi.