Oʻzbekiston terma jamoasi sobiq bosh murabbiyi Timur Kapadze IFFHS talqinida terma jamoa murabbiylari orasida top-10 talikdan joy oldi.

Qayd etilishicha, Ispaniya terma jamoasi bosh murabbiyi Luis de la Fuente ketma-ket ikkinchi yil IFFHS talqiniga koʻra dunyoning eng yaxshi terma murabbiyi deb eʼtirof etildi. 136 ochko bilan u yillik reytingda ishonchli gʻalaba qozonib, Roberto Martines va 2022 hamda 2023-yillarda Xalqaro futbol tarixi va statistikasi federatsiyasi (IFFHS) mukofoti sohibi boʻlgan Lionel Skalonini ortda qoldirdi.

Valid Regragi (CAF) va Xavyer Agirre (KONKAKAF) esa boshqa ikki futbol qitʼasini namoyon etgan boʻlsa, Oʻzbekiston sobiq ustozi Timur Kapadze (OFK) reytingda sakkizinchi pogʻonadan joy oldi.