Joriy yilning 27-noyabr sanasidagi “Oʻzbekistonda moliyaviy texnologiyalar sohasini yanada rivojlantirish toʻgʻrisida“gi Prezident qarori 28-noyabr sanasidan boshlab kuchga kirdi. Ushbu qaror bilan 2025-2026-yillarda moliyaviy texnologiyalar sohasini qoʻllab-quvvatlash dasturi tasdiqlangan.

Unga koʻra, Markaziy bank boshqaruvi raisi Timur Ishmetovga 2025-yilning dekabr oyiga qadar fuqarolarga oylik ish haqini oladigan bank yoki elektron hamyon provayderini mustaqil tanlash huquqini beruvchi chora-tadbirlar ishlab chiqish vazifasi topshirilgan.

Hujjatda qayd etilishicha, ushbu chora tadbirlar chakana bank xizmatlari va toʻlov xizmatlari bozorida raqobatni ragʻbatlantirish maqsadiga qaratilgan.