25-iyun soat 24:00 dan qurilish-ta’mirlash ishlari olib borilishi munosabati bilan Toshkent shahar Yashnobod tumanidagi Ohangaron shoh ko‘chasida transport vositalari harakati vaqtincha to‘xtatiladi. Bu haqda shahar IIBB YHXB xabar berdi.

Tumandagi Temur Malik-Parkent-Mahtumquli ko‘chalari aylanma harakatidan, TXAY-Ohangaron shoh ko'chalari aylanma harakatigacha bo’lgan qismi yopiladi.

Qurilish-ta’mirlash ishlarini bajarish muddati 2025-yil 25-iyun soat 24:00 da 1-iyul kuniga qadar davom etishi belgilangan.

Xabarda shuningdek, haydovchilarga muqobil yo‘nalishlardan foydalanib, Bektemir shoh ko’chasi, Farg'ona yo'li ko'chasi, Mahtumquli ko’chasi, va Yangi O'zbekiston ko'chalaridan harakatlanishlari tavsiya etilgan.