Xabaringiz bor, bugun, 10-iyun kuni “Bunyodkor” stadionida Oʻzbekiston milliy terma jamoasi Jahon chempionati saralashining soʻnggi uchrashuvida Qatarga qarshi maydonga tushadi. Mazkur oʻyin oldidan mamlakat terma jamoasi Jahon chempionati yoʻllanmasini qoʻlga kiritilgani munosabati bilan bayram tadbiri tashkil etiladi. Bu haqda O‘zbekiston futbol assotsiatsiyasi xabar berdi.

Mazkur uchrashuvga chipta olgan barcha futbol ishqibozlari stadionga imkon qadar ertaroq kelib, oʻz joylarini egallashlari soʻralgan. Stadion muxlislar uchun uchrashuv boshlanishidan 3 soat oldin (15:45) da ochilishi ma'lum qilingan.

O‘yin yakuniga yetgach, tarixiy natija qayd etib, xalqimizni xursand qilgan milliy terma jamoa a‘zolarini taqdirlash marosimi o‘tkaziladi.