Jamoaviy murojaatlar (“Mening fikrim”) portalida maktablarda 5 kunlik oʻqish va ish tartibiga toʻliq oʻtish boʻyicha petitsiya joylashtirildi.

Murojaat matni quyidagicha:

Assalomu alaykum!

Mening taklifim quyidagicha:

Umumiy oʻrta taʼlim maktablarida barcha oʻquvchilarni 5 kunlik taʼlim olish dasturiga oʻtkazish.

Pedagog xodimlarga ham 5 kunlik ish tizimiga oʻtkazilsa maqsadga muvofiq boʻlar edi.

Ustozlar ham bemalol haftasiga 2 kun dam olsa, ish unumi va sifati oshadi deb oʻylayman.

Oldindan tashakkur!!!

Maʼlumot uchun, hozircha ushbu taklif boʻyicha rasmiy qaror qabul qilinmagan. Agar petitsiya yetarli imzo toʻplasa (10 ming ovoz olsa), bu taklif mutasaddi idoralar tomonidan koʻrib chiqilishi mumkin. Hozirda ushbu murojaat 3600 ta ijobiy ovoz toʻplagan.