7-mart kuni Oʻzbekiston Respublikasi Prezidenti xotin-qizlar tadbirkorligini qoʻllab-quvvatlash boʻyicha qoʻshimcha chora-tadbirlar qabul qildi. Unga koʻra, 2025-yilda xotin-qizlar loyihalari uchun qoʻshimcha 200 million AQSH dollari ajratiladi.

Mablagʻlar quyidagicha yoʻnaltiriladi:

Kredit resurslari uchun ajratilgan 100 mln dollarning:

• ◦ 35 mln dollari – “Xalq banki” orqali
• ◦ 35 mln dollari – “Biznesni rivojlantirish banki” orqali
• ◦ 30 mln dollari – “Mikrokreditbank” orqali beriladi.

Qolgan 100 mln dollar “Mahalla loyihasi” dasturi doirasida beriladi. Tijorat banklari orqali loyihalarni moliyalashtirish uchun tashqi moliya bozorlaridan mablagʻlar jalb qilinadi:

• ▪️“Biznesni rivojlantirish banki” orqali ajratilgan mablagʻlar “HAMROH” dasturi doirasida tadbirkor ayollarga moliyaviy yordam sifatida taqdim etiladi.
• ▪️“Xalq banki” va “Mikrokreditbank” orqali ajratilgan mablagʻlar oilaviy tadbirkorlikni rivojlantirish maqsadida kredit sifatida beriladi.